In Miami händ mir im Dezember 2016 eusi erste Ferie zäme verbracht. Sither simmer scho mehrfach det gsi, meistens im Januar oder Februar zum echli Sunne tanke. Mir liebed s Sünnele und de Sand under de Füess am Strand, s feine Ässe a de Lincoln Road oder de gmüetlich Apéro bim Sunneundergang. Miami isch für eus aber au chli Shoppe, gueti Iishockey Mätsch go luege oder au mal e Uusfahrt nach Key west.
